AF222a: 9v

cumʿa gün geyecegin ʿalā qadrihī yumaqdan iḥtirāz ėtmek sebeb‑i nekbet olur imiş ve bugün // yeñi olan ay otuz günde tamām olur * ve Muḥarrem ayınuñ ġurresi cumʿa gün olsa qış miyān // olur ve yaġmurlar ve ṣular az olur * ve tereke qıllat üzre olur * ve baʿżı mīve aġacına // āfet ve bu gün ve se‑şenbe gün gėce zühreye müteʿallıqdur ʿayş u nūş ėtmek gerekdür ve yeñi geymek // ve yeñi biçmek ve ḫātūnlardan ḥācet ṭaleb eylemek eyüdür * ve bu gün ve bu gėce doġan oġlan // güler yüzlü ve eyü sözlü ola ve ḥicāmet eyüdür * ve bu gün ḥasta [!] olan kimesnenüñ ḥastaluġı [!] // muḥkem olub şifā içün muḥkem ola ammā bu gün ve bu gėce ḥasta [!] olan kimesnenüñ // ḥastaluġı [!] muḥkem ola amma şifā içün bu āyet‑i kerīmeʾi yazup ṣuyın içüreler // bi‑iẕni llāhi taʿālā şifā bula * bi‑smi llāhi r‑raḥmāni r‑raḥīm ʿazamtu ʿalaykum yā maʿašara l‑arwāḥi // wa‑fawqa kulli ḏī‑ʿilmin ʿalīmun wa‑minhu kullu šayʾin ‖ badīʿu s‑samawāti wa‑l‑arḍi fa‑iḏā qaḍā fa‑innamā ‖ yaqūla // lahu kun fa‑yakūnu fa‑subḥāna llaḏī bi‑yadihī malakūtu kulli šayʾin wa‑ilayhi turǧaʿūna innahū min Sulaymāna // wa‑innahū ǧismu llāhi r‑raḥmāni r‑raḥīmi ‖ allā taʿlū ʿalayya waʾtūni [!] muslimīna ve muʿavviẕeteyn oqıya ve baʿdehū // yā šāfīʾu yā kāfīʾu yā wāḥidu yā wāḥidu yā Allāhu diye ve ammā nikāḥ cümleden yaramazdur s̱evre eyüdür // sereṭānda daḫı yaramazdur * yevmü s‑sebt ʿAcemler bu‑güne şenbe dėrler yaʿnī cumʿa // ėrtesi dür ṣayda ve şikāra maḥṣūṣdur [!] ve ġāyet eyüdür ḥaqq subḥānehū ve taʿālā // ḥażretleri berrīyeʾi bu gün ḫalq eyledi Yahūdīler günidür yevm‑i naḫsdur [!] ve mekr ü ḥīle // günidür * zīrā bu gün enbiyā ṣallā llāhu ʿaleyhi ve‑sellemden menqūldür ki altı kimesne // mekr ü ḥīle vefāt ėtdi * biri Ḥūt [?!] ʿ[aleyhi s‑selā]m ve biri Yūsuf ʿ[aleyhi s‑selā]m ve biri ʿĪsā ʿ[aleyhi s‑selā]m // ve biri ḥażret‑i Mūsā ʿ[aleyhi s‑selā]m * ve biri ḥażret‑i Muḥammed Muṣṭafā ṣallā llāhu ʿaleyhi ve‑sellem ve qavm‑i // Yahūdī eyyāmıdur * üsbūʿdan bir gün iḥtiyār [!] eylemek diledükde bu gün[i] iḥtiyār [!] eyledi // āḫir ḥaqq celle ve ʿalī ḥażretleri qahr eyleyüb ṣuratların maymūn ṣuratına tebdīl eylediler // ve bu gün ve bu gėce nice geçerse gelicek bu güne dek eyle geçer ammā bu günde öyle namāzı // vaqti saʿddur ve mübārekdür bu gün qaṭʿ olınan [libās] mübārek olmayub * ṣāḥibi maqhūr // ola ve bu gün terāş olan kimesne haftasına dek ġamm u ġuṣṣadan helāk olub // ḫalāṣ olmıya // tamatu tamām // bi‑ʿavni llāhi l‑meliki l‑mennān // m m m